საიტზე მიმდინარეობს ტექნიკური სამუშაოები

საზღვარგარეთ საქართველოს საპატიო კონსულები ქვეყნის საგარეო პოლიტიკის პრიორიტეტებს გაეცნენ

პირველად, საქართველოს საგარეო საქმეთა სამინისტროს ორგანიზებით, „საქართველოს საპატიო კონსულების კონფერენცია - თანამშრომლობა მტკიცე პარტნიორობისათვის გაიმართა.“ კონფერენცია საქართველოს საგარეო მინისტრმა ილია დარჩიაშვილმა გახსნა და დამსწრე საზოგადოებას სიტყვით მიმართა. ღონისძიების ფარგლებში გაიმართა თემატური პანელები, სადაც მონაწილეებმა განიხილეს პოლიტიკური, ეკონომიკური და კულტურული დიპლომატიის საკითხები, ასევე ყურადღება გამახვილდა სავაჭრო ურთიერთობების, ბიზნეს კონტაქტების და სავაჭრო-სამრეწველო პალატებს შორის კავშირების გაძლიერებაზე, ასევე საინვესტიციო პროექტების მხარდაჭერის მნიშვნელობაზე.