ელჩის შეხვედრა ფინეთის საგარეო ვაჭრობის და განვითარების მინისტრთან

საქართველოს ელჩი, ირაკლი ხუცურაული ფინეთის რესპუბლიკის განვითარების თანამშრომლობის და საგარეო ვაჭრობის მინისტრს, ვილე ტავიოს შეხვდა.

მხარეებმა განიხილეს ქვეყნებს შორის მიმდინარე სავაჭრო-ეკონომიკური თანამშრომლობის საკითხები და ხაზი გაესვა არსებული მნიშვნელოვანი პოტენციალის ათვისების აუცილებლობას. ელჩმა მინისტრს საქართველოს მიმზიდველ საინვესტიციო და ბიზნეს-გარემოს თაობაზე მიაწოდა ინფორმაცია. გამოითქვა სურვილი, რათა გახშირდეს ბიზნეს-დელეგაციების ვიზიტები და კერძო სექტორს შორის თანამშრომლობა. 

შეხვედრისას შეთანხმდნენ, რომ გაგრძელდება ინტენსიური ურთიერთობა, რათა ახლო მომავალში დაიგეგმოს ერთობლივი ეკონომიკური ხასიათის ღონისძიებები.