საქართველომ ტურისტულ გამოფენა MATKA 2025 მიიღო მონაწილეობა
ქ. ჰელსინკიში, ნორდიული რეგიონის უმსხვილეს ტურისტულ გამოფენაში MATKA 2025 საქართველოს ტურიზმის ეროვნულმა ადმინისტრაციამ და 10-მდე კერძო და სახელმწიფო ტურისტულმა ორგანიზაციამ მიიღო მონაწილეობა.
ოთხდღიან გამოფენაზე 80-ზე ქვეყნის 1000 ტურისტული კომპანია და ორგანიზაცია იყო წარმოდგენილი და ის 65 ათასმა დამთვალიერებელმა მოინახულა.
საერთაშორისო გამოფენის ფარგლებში, ტურიზმის ეროვნული ადმინისტრაციის ხელმძღვანელმა, მაია ომიაძემ, ფინეთში საქართველოს საელჩოს ჩართულობით და ორგანიზებით, შეხვედრები გამართა წამყვან ფინურ და ჩრდილოეთ ევროპულ კომპანიებთან ევროკავშირის ქვეყნებში საქართველოს ტურისტული პოტენციალის ამაღლებისა და პოპულარიზაციის მიზნით.
