Accessibility
Contrast
Saturation
Highlight Links
Cursor
Disable animations
Text Reader
To use the text reader on the site, download the program.
world

საქართველოს საელჩო ფინეთის რესპუბლიკაში

საგანგებო და სრულუფლებიანი ელჩი ირაკლი ხუცურაული

სიახლეები

ილია დარჩიაშვილი ფინეთის რესპუბლიკის ევროპულ საქმეთა მინისტრს შეხვდა

ილია დარჩიაშვილი ფინეთის რესპუბლიკის ევროპულ საქმეთა მინისტრს შეხვდა

ფინეთის რესპუბლიკაში ვიზიტის ფარგლებში, საგარეო საქმეთა მინისტრი ილია დარჩიაშვილი ევროპულ საქმეთა მინისტრს, ანდერს ადლერკროიცს შეხვდა.

ილია დარჩიაშვილმა შეხვედრა გამართა ფინეთის საგარეო საქმეთა მინისტრთან

ილია დარჩიაშვილმა შეხვედრა გამართა ფინეთის საგარეო საქმეთა მინისტრთან

2024 წლის 13 მარტს, ფინეთის რესპუბლიკაში ვიზიტის ფარგლებში, საგარეო უწყების ხელმძღვანელმა, ილია დარჩიაშვილმა შეხვედრა გამართა ფინეთის საგარეო საქმეთა მინისტრთან, ელინა ვალტონენთან.

ილია დარჩიაშვილი ფინეთის პრეზიდენტს შეხვდა

ილია დარჩიაშვილი ფინეთის პრეზიდენტს შეხვდა

ფინეთის რესპუბლიკაში ვიზიტის ფარგლებში საგარეო საქმეთა მინისტრი, ილია დარჩიაშვილი ფინეთის პრეზიდენტს, ალექსანდერ სტუბს შეხვდა.

ფინეთთან საქართველოს საპარლამენტო ჯგუფის ხელძმღვანელის ვიზიტი

ფინეთთან საქართველოს საპარლამენტო ჯგუფის ხელძმღვანელის ვიზიტი

21-25 ნოემბერს საქართველოს პარლამენტის მეგობრობის ჯგუფის ხელმძღვანელის, მარიამ ლაშხის ვიზიტი გაიმართა ფინეთის რესპუბლიკაში. საქართველოს საელჩოს ორგანიზებით შედგა დელეგაციის შეხვედრები ფინეთის პარლამენტის სპიკერთან, ასევე. საგარეო, თავდაცვის და განათლების კომიტეტების თავმჯდომარეებთან და ფინეთის პარლამენტის საქართველოსთან მეგობრობის ჯგუფის ხელმძღვანელთან. ვიზიტისას. დელეგაცია ეწვია ესპოოს საჯარო სკოლას და OMNIA-ს პროფესიული განათლების ცენტრს, სადაც განიხილეს სამომავლო თანამშრომლობის გაღრმავების საკითხები.

შეხვედრა ფინეთის რესპუბლიკის ევროპულ საქმეთა მინისტრთან

შეხვედრა ფინეთის რესპუბლიკის ევროპულ საქმეთა მინისტრთან

2023 წლის 2 ნოემბერს, ჰელსინკიში ვიზიტის ფარგლებში, მინისტრის მოადგილე თეიმურაზ ჯანჯალიამ შეხვედრა გამართა ფინეთის რესპუბლიკის ევროპულ საქმეთა მინისტრთან, ანდერს ადლერკროიცთან. შეხვედრაზე განხილულ იქნა საქართველოს ევროკავშირში გაწევრიანებასთან და ევროკავშირის გაფართოებასთან დაკავშირებული საკითხები. მინისტრის მოადგილემ დეტალური ინფორმაცია მიაწოდა ფინურ მხარეს ევროკომისიის მიერ განსაზღვრული 12 პრიორიტეტის შესრულების კუთხით საქართველოს მხრიდან გაწეული ძალისხმევის თაობაზე. მან აღნიშნა, რომ ევროკავშირში გაწევრიანება წარმოადგენს ქართველი ხალხის ისტორიულ და ცივილიზაციურ არჩევანს, ქვეყნის გეოპოლიტიკურ პრიორიტეტს, რასაც მხარს უჭერს მოსახლეობის აბსოლუტური უმრავლესობა. თეიმურაზ ჯანჯალიამ ხაზი გაუსვა ევროკავშირის საბჭოს მხრიდან საქართველოსთვის კანდიდატი ქვეყნის სტატუსის მიმდინარე წლის ბოლომდე მინიჭების მნიშვნელობას. განაცხადა, რომ საქართველო ევროპისგან მოელის შორსმჭვრეტელ და სამართლიან გადაწყვეტილებას და გამოხატა იმედი, რომ ევროპელი პარტნიორები სათანადოდ აღიარებენ ევროკავშირში ინტეგრაციის გზაზე საქართველოს მიერ მიღწეულ პროგრესს. ამ კონტექსტში, განსაკუთრებული ყურადღება გაამახვილა ევროკავშირის წევრი ქვეყნების, მათ შორის ფინეთის რესპუბლიკის ღია პოლიტიკური მხარდაჭერის კრიტიკულ მნიშვნელობაზე. მხარეებმა განიხილეს აგრეთვე რეგიონში არსებული ვითარება და გამოწვევები. ხაზი გაესვა საქართველოს სამშვიდობო როლს და ჩვენი ქვეყნის მიერ გაწეულ ძალისხმევას სამხრეთ კავკასიაში მდგრადი მშვიდობის, სტაბილურობისა და კეთილდღეობის უზრუნველსაყოფად. მინისტრის მოადგილემ განაცხადა, რომ საქართველო რჩება ევროკავშირის საიმედო პარტნიორად და მოკავშირედ ასევე უსაფრთხოების სფეროში. ფინურმა მხარემ დაადასტურა ფინეთის რესპუბლიკის ურყევი მხარდაჭერა საქართველოს სუვერენიტეტისა და ტერიტორიული მთლიანობისადმი ისევე, როგორ ევროინტეგრაციის მიმართ. თეიმურაზ ჯანჯალიამ ფინელი კოლეგა თბილისში ვიზიტით მოიწვია, რათა ფინური მხარე ადგილზე გაეცნოს საქართველოს ევროპულ დღის წესრიგს, უკვე განხორციელებულ და მიმდინარე რეფორმებს.

საქართველოსა და ფინეთის რესპუბლიკის საგარეო უწყებებს შორის მორიგი პოლიტიკური კონსულტაციები გაიმართა

საქართველოსა და ფინეთის რესპუბლიკის საგარეო უწყებებს შორის მორიგი პოლიტიკური კონსულტაციები გაიმართა

2023 წლის 1 ნოემბერს, ჰელსინკიში საქართველოსა და ფინეთის რესპუბლიკის საგარეო უწყებებს შორის პოლიტიკური კონსულტაციების მორიგი რაუნდი გაიმართა, რომელსაც ქართული მხრიდან ხელმძღვანელობდა მინისტრის მოადგილე თეიმურაზ ჯანჯალია. მხარეები მიესალმნენ ქართულ-ფინურ მჭიდრო და მეგობრულ ურთიერთობებს, რომელიც ეფუძნება საერთო ევროპულ ღირებულებებსა და ინტერესებს. ხაზი გაესვა საქართველოსა და ფინეთს შორის ორმხრივი პოლიტიკური დიალოგის გაღრმავებისა და მაღალი დონის ვიზიტების ურთიერთგაცვლის მნიშვნელობას. მინისტრის მოადგილემ დააფიქსირა ქართული მხარის სურვილი, განავითაროს მჭიდრო დიალოგი საერთო ინტერესის მქონე სტრატეგიულ საკითხებზე ნორდიული რეგიონის ქვეყნებთან ისევე, როგორც „ნორდიულ-ბალტიური რვიანის“ ფარგლებში. მხარეებმა კმაყოფილებით აღნიშნეს ორმხრივი სავაჭრო-ეკონომიკური ურთიერთობების მზარდი დინამიკა და გამოხატეს მზაობა, წაახალისონ ბიზნეს სექტორის წარმომადგენლები ქვეყნებს შორის არსებული პოტენციალის სრულად ათვისების მიზნით. მინისტრის მოადგილემ ისაუბრა საქართველოს მიმზიდველი საინვესტიციო გარემოს შესახებ. თეიმურაზ ჯანჯალიამ ფინურ მხარეს გააცნო საქართველოს მიერ ევროკომისიის მიერ განსაზღვრული 12 რეკომენდაციის შესრულების მიმდინარეობა და დეტალურად ისაუბრა ქართული მხარის მიერ საკანონმდებლო და ინსტიტუციურ დონეზე გატარებული რეფორმებისა და მიღწეული შედეგების თაობაზე. ქართული მხარის მიერ გამოითქვა იმედი, რომ ევროპელი პარტნიორები სათანადოდ შეაფასებენ საქართველოს ძალისხმევას და მიმდინარე წლის დეკემბერში მიიღებენ ისტორიულ გადაწყვეტილებას საქართველოსთვის კანდიდატის სტატუსის მინიჭებასთან დაკავშირებით. ამ კონტექსტში, მინისტრის მოადგილემ განსაკუთრებული ყურადღება გაამახვილა ევროკავშირის წევრი ქვეყნების, მათ შორის, ფინეთის რესპუბლიკის მხარდაჭერის მნიშვნელობაზე. ამასთან, ქართულმა მხარემ დეტალური ინფორმაცია მიაწოდა ფინურ მხარეს რუსეთის ფედერაციის მიერ საქართველოს ოკუპირებულ ტერიტორიებზე არსებული მძიმე ჰუმანიტარული ვითარების, ადამიანის უფლებებისა და საერთაშორისო სამართლის პრინციპების უხეში დარღვევების თაობაზე. ფინურმა მხარემ კიდევ ერთხელ დააფიქსირა ურყევი მხარდაჭერა საქართველოს სუვერენიტეტისა და ტერიტორიული მთლიანობისადმი, ასევე ქვეყნის ევროპული მისწრაფებებისადმი. მხარეებმა დაადასტურეს მჭიდრო და ურთიერთსასარგებლო თანამშრომლობის გაგრძელების მზაობა როგორც ორმხრივ, ასევე მრავალმხრივ დონეზე.

საკონსულო განყოფილება